कुन दिशामा फर्किएको घर शुभ हुन्छ ?
घर मानिसको जीवनको ठूलो लगानी मध्ये एक हो । आफ्नो सपनाको घरलाई वास्तविक जीवनमा पाउनको लागि धेरै कुराहरुमा सावधानी अपनाउन पर्छ । जसमध्ये घरको मोहडाको उत्तम दिशा छनौट गर्नु पनि एक हो ।
घरको मोहडा (मूख्य प्रवेश) कुन दिशा तर्फ फर्काएर बनाउँने भन्ने बिषय उक्त जग्गामा जोडिएको बाटोमा निर्भर हुन्छ । तर पनि, आफ्नो घर सुख,शान्ति र सकारात्मकताले भरिपूर्ण होस् भन्ने चाहनुहुन्छ भने, घरको मूख्य प्रवेशको दिशालाई वास्तु अनुसार मिलाउनु पर्ने हुन्छ ।
वास्तु शास्त्र अनुसार पूर्ब दिशा तर्फ मूख्य प्रवेश भएको घरलाई सर्वोत्तम मानिन्छ । यस दिशामा फर्किएको घरमा बिहानको सूर्यको किरण मूल ढोका हुँदै घरमा प्रवेश गर्न पाउँछ र प्रकाशसंगै घरभित्र सकारात्मक उर्जा पनि प्रबाह हुन्छ । दक्षिणमुखी घरलाई पनि शुभ मानिन्छ । यस्तो घरमा लामो समयसम्म घाम लाग्छ । तसर्थ, घरमा न्यानो र उज्यालो पनि हुन्छ । साथै, उत्तर पश्चिम मोहोडा भएको घरमा स्वास्थ्य, धन, सम्पति, इज्जत र सम्मानको वृद्धिमा सकारात्मक भूमिका हुन्छ । दक्षिण-पूर्ब दिशाको घरमा रोग, रिस, डाहा, मुद्दा मामिला आदिको भय हुनसक्छ । दक्षिण-पश्चिम दिशातर्फ फर्केको घर त्यति राम्रो मानिदैन । यस्तो घरमा दुख, संघर्ष, संकट आउने सम्भावना हुन्छ ।
आज हामीले Which is the best direction for home entrance को बारेमा जानकारी दियौं । यस बिषयमा अन्य जानकारीहरु आवश्यक परेमा अनुभवी Engineer, Company तथा निर्माण साथी सँग पनि सम्पर्क गरि लाभ लिन सक्नुहुन्छ ।