भान्छाकोठामा Kitchen Triangle के हो ?
भान्छाकोठामा अत्याधिक प्रयोग हुने मुख्य ठाउँ Stove,Fridge र Sink हो । यी तीन ठाउँको बिन्दुहरुलाई जोड्दा हुने काल्पनिक त्रिकोणीय रूपरेखा नै kitchen triangle हो । भान्छाकोठाको Remodeling होस् वा नयाँ भान्छाको निर्माण, यीनै तीन क्षेत्रको ख्याल गरी प्रभावकारी, व्यवहारिक र सुविधाजनक भान्छाको लागि Kitchen Triangle को design गरिन्छ ।
यसले भान्छालाई थप आकर्षक पनि बनाउँछ । सानो भान्छामा काम गर्दा खाना पकाउन, भाँडाहरू सफा गर्न र सामानहरूको भण्डारण गर्न सहजता प्रदान गर्दछ । भान्छामा आवश्यक पर्ने सामानहरु नजिक-नजिक पाउन सकिन्छ । साथै, दुर्घटनाको जोखिम पनि कम हुन्छ । Kitchen Triangle को बीचमा अवरोध आउने खालका सामग्री तथा कुनैपनि Furniture राख्ने हो भने काममा बाधा सिर्जना हुनसक्छ । यो कुरालाई विशेष ध्यान दिनुपर्दछ ।
तर, ठूलो क्षेत्र भएको भान्छामा Kitchen Triangle त्यति प्रभावकारी हुँदैन । किनकि, Stove, Fridge र Sink लाई Triangle shape मिलाएर राख्दा एक अर्काबाट टाढा-टाढा दुरीमा पर्न जान्छन् । Kitchen Triangle को अवधारणा अनुसार भान्छाकोठाको Design गर्दा दुई सामग्री बीचको दूरी कम्तीमा चार फिट र धेरैमा नौं फिट सम्म टाढा हुनु पर्दछ । भान्छाकोठामा एकै समयमा धेरैजना बसेर काम गर्दा असहज हुन सक्छ । Kitchen Triangle एकजना Cook को लागि अनुकूल छ ।
आज हामीले What is Kitchen Triangle in Modular Kitchen?को बारेमा जानकारी दियौं । यस बिषयमा अन्य जानकारीहरु आवश्यक परेमा अनुभवी Engineer, Company तथा निर्माण साथी सँग पनि सम्पर्क गरि लाभ लिन सक्नुहुन्छ ।