निर्माण सामग्रीको महंगीले घर निर्माणमा पारेको प्रभाब !
नेपालमा गत वर्ष निर्माणका कामहरु सुस्त भएका कारण निर्माण सामग्रीको मूल्य पनि घटेको थियो । पछिल्लो छ महिनाको अवधिमा घर बनाउनका लागि अति नै आवश्यक पर्ने कच्चा पदार्थहरु (निर्माण सामग्रीहरु) डन्डी , बालुवा, सिमेन्ट, गिट्टी आदिको मूल्यमा निरन्तर वृद्धि भइरहेको र अन्य सामग्रीहरु काठका furniture, रङरोगन, झ्यालढोका, tile, marble आदि कम्पनीहरुले पनि आफ्नो कम्पनी र ब्रान्ड अनुसार मनोमानी ढंगले मूल्य बढाइरहेका छन्।
लामो समयको Lockdown र निषेधाज्ञा पछि घर बनाउन रोकिएको कामहरु भटाभट सुरु हुन थालेका छन् । यसले पनि निर्माण सामग्रीको मूल्य उच्च विन्दुमा पुगेको अनुमान लगाउन सकिन्छ ।
अन्य सामग्रीको तुलनामा डन्डीको उत्पादन भन्दा माग धेरै बढी भएका कारण पनि यसको मूल्य करिब चालीस देखि पचास प्रतिशतले वृद्धि भएको अनुमान छ ।
हिजोआज डिजल, पेट्रोलको मूल्य निकै नै आकाशिदै गएको छ । यसले निर्माण सामग्रीको ढुवानी खर्चमा धेरै असर पारेको छ । ढुवानीमा हुने खर्चलाई नियन्त्रण गर्नका लागि उपभोक्ताले आफ्नो नजिकको पायक पर्ने Market तथा उद्योगबाट सामान खरिद गर्ने हो भने केही सहज हुनेछ ।
एकातिर निर्माण सामग्रीको मूल्य उकालो लागिरहेको र अर्कोतर्फ बैंक तथा वित्तीय संस्थाबाट पनि कर्जा प्रवाह हुन् नसकेको अवस्थामा घर बनाउने व्यक्तिहरु धेरै नै प्रभावित बनेका छन् ।
तसर्थ, यतिबेला वर्षा याम पनि सुरु भैसकेको छ । तात्कालिन समयमा घर बनाउने योजना भएका लगानीकर्ताहरुले घर बनाउनुको सट्टा जग्गा किनेर राख्नु र घर बनाउन केही समय कुर्नु उपयुक्त हुन्छ । साथै, यो समयमा नयाँ घर निर्माण गर्नु भन्दा बनिसकेको घर खरिद गर्नु झन् फाईदाजनक देखिन्छ ।
यतिबेला वर्षा याम पनि सुरु भैसकेको छ । सामान्यतया तीन देखि चार / पाँच महिनासम्म वर्षा हुन्छ । तसर्थ, वर्षाको समयमा घर बनाउन सुरु गर्नुलाई त्यति राम्रो मानिँदैन । पानी परेको बेलामा कामहरु रोकी राख्नु पर्ने भएकोले निर्माण कार्यले गति लिन सक्दैन । यसरी बार-बार काम रोकिनाले निर्माण सम्पन्न हुने समयको वृद्धि भई घरको लागतमा पनि वृद्धि हुनसक्छ । घर बनाउन सुरु गरिसकेका लगानीकर्ताले आफ्नो आवश्यकता अनुसारको क्षेत्रफल भएको घर बनाउनु राम्रो हुन्छ । यसबाट घरको लागत वृद्धि र आर्थिक संकटबाट केही मुक्त हुने प्रष्ट देखिन्छ ।
निर्माणकर्ताले प्रयोग गरेका सामग्रीको गुणस्तरबाट पनि घर बनाउँदा हुने खर्चलाई नियाल्न सकिन्छ । तर पनि व्यापारी र उत्पादक कम्पनीको लापर्बाहीका कारण पनि मूल्य निकै नै बृद्धि भइरहेको छ । यसको लागि आपूर्ति व्यवस्थापन तथा उपभोक्ता हित संरक्षण विभागले अनुगमन गरेर उपभोक्तालाई सहज बनाउनुपर्ने देखिन्छ ।
आज हामीले Impact of expensive construction materials on house construction! को बारेमा जानकारी दियौं । यस बिषयमा अन्य जानकारीहरु आवश्यक परेमा अनुभवी Engineer, Company तथा निर्माण साथी सँग पनि सम्पर्क गरि लाभ लिन सक्नुहुन्छ ।