टाइल लगाउने काम धेरै झन्झटिलो र खर्चिलो हुने भएकोले काम गर्दा कुनै गल्ती भएमा पुनः लगाउन  गाह्रो नै हुन्छ । तसर्थ, टाइल लगाउन अगाडि नै केहि कुराहरु ध्यान दिन सकियो भने आउनसक्ने झन्झटबाट मुक्त हुनसकिन्छ । टाइल लगाउनु पहिला वा लगाउने समयमा ध्यान दिनुपर्ने आवश्यक जानकारीहरुको निम्नलिखित छन्:

• सर्वप्रथम टाइल लगाउनु अगाडि अनावश्यक पदार्थहरु हटाएर सतहलाई चिल्लो बनाउने र टाइल  लगाउने सतह (Leveling) मिलाउनु पर्छ । यदि सतह नमिलेमा पी.सी.सी (PCC) गर्नुपर्ने हुन्छ । 
•  सतह मिलाएपछि  वा पी.सी.सी गरिसके पछि राम्रोसँग पानीले भिजाउनुपर्छ । जसले सिमेन्ट मसलालाई (Cement Mortar)सुख्खा हुनबाट जोगाउँछ । 
•  मसला बनाउँदा सिमेन्ट बालुवाको अनुपात एक:चार अर्थात एक बोरा सिमेन्टमा चार बोरा बालुवा मिलाउनुपर्छ । मसलालाई धेरै गिलो बनाउनुहुँदैन । 
• काटेको वा टुक्रा भएको टाइललाई कोठाको छोपिने ठाउँहरू, कुना तिर प्रयोग गर्नु सुन्दरताको दृष्टिले राम्रो देखिन्छ ।  
• टाइल लगाइसकेपछि चौबिस घण्टा अर्थात एक दिनसम्म टाइल सतहमा कुनै पनि फोहोर चिजको असर पार्न दिनुहुदैन । किनकि, टाइलमा कुनै चिज परेमा टाँसिएर नजाने, दाग बस्न सक्छ । तसर्थ, टाइल सतहलाई राम्ररी सफा गरेर अनिमात्र कम्तिमा दसदिन सम्म पानीले भिजाउनुपर्छ। 
• टाइलको जोडाई राम्रोसँग भन्नु पर्दछ । जसको लागि टाइल स्पेसरको (Tile Spacer) प्रयोग गरि भविष्यमा आउन सक्ने सिपेज (Seepage) को  समस्यालाई कम गर्न मद्दत गर्छ ।

आज हामीले Things to pay attention while laying tile को बारेमा जानकारी दियौं । यस बिषयमा अन्य जानकारीहरु आवश्यक परेमा अनुभवी Engineer, Company तथा निर्माण साथी सँग पनि सम्पर्क गरि लाभ लिन सक्नुहुन्छ ।