यसरी चेक गर्नुहोस बालुवा को गुणस्तर आफैं !
कम मूल्य, छिटो र सजिलोका लागि तपाईंले प्रयोग गर्नुभएको बालुवा कतै गुणस्तरहीन त छैन ? अर्डर त गर्नुभयो, बिक्रेताले कस्तो बालुवा ल्याइरहेको छ ? बलियो घरका लागि बालुवाको गुणस्तर पनि राम्रो हुनुपर्छ । बालुवाका कणहरु हेरेरै पनि शुद्द वा अशुद्दा अन्दाज गर्न सकिन्छ । आफ्नो एउटा मात्र घरको लागि प्रयोगशालामा लगेर बालुवाको चेकजाँच गराउनु खर्चिलो पर्नसक्छ । तसर्थ, निर्माणस्थलमै पनि यसको गुणस्तर थाहा पाउन केही सरल विधिहरू अपनाउन सकिन्छ । आज हामी तपाईंलाई यही विषयमा केही जानकारी दिँदैछौं ।
निर्माणस्थलमा तपाईं आफै उपस्थित हुन सक्नुहुन्छ भने यी विधिहरु सजिला छन्, तपाईं आफै गर्न सक्नुहुन्छ । यदि तपाई आफ्नो घर बनिरहेको ठाउँमा पुग्न भ्याउनुहुन्न र कुनै प्रतिनिधिलाई खटाउनुभएको छ भने उहाँलाई यी विधिहरु अपनाउनका लागि भन्न सक्नुहुन्छ ।
सर्वप्रथम त, बालुवामा नुनिलोपना (Salt) हुनु हुँदैन । यो थाहा पाउन हामीले थोरै बालुवा लिएर जिब्रोमा स्वाद लिन सकिन्छ । नुनिलोपना भएका बालुवाहरु घर निर्माणमा प्रयोग गर्नु राम्रो हुदैन । साथै, यसमा सिल्ट (Silt), क्ले (Clay) जस्ता अनावश्यक पदार्थहरु (Impurities) पनि हुनुहुँदैन । बालुवा पूर्ण रूपमा शुद्ध हुन्छ भन्ने त छैन, तैपनि अनावश्यक पदार्थहरु सम्पूर्ण बालुवाको भागको ६ प्रतिशतभन्दा बढी छ भने त्यस्तो बालुवालाई निर्माण कार्यमा प्रयोग गर्न सिफारिस गरिंदैन । अलिकति बालुवा हातमा लिएर रगड्ने र फ्याक्ने गर्दा हातमा केही पदार्थहरु टाँसिएर बस्छ भने त्यो बालुवामा मिसिएको क्ले (Clay) हो । यसलाई अझै राम्रोसँग चेक गर्नको लागि तल उल्लेखित विधि अपनाउनुहोस ।
एउटा पारदर्शी सिसा वा प्लास्टिकको भाँडोमा एक निश्चित मात्रामा बालुवा राख्ने र त्यसको लगभग आधा भाग पानी राखेर राम्रोसँग चलाउने । त्यसपछि करिब दुई घन्टाजति त्यसलाई नचलाईकन त्यतिकै छोडिदिने । त्यसपछि उक्त भाँडोमा बालुवाको माथिल्लो तहमा सिल्ट र क्ले को एउटा तह बनेको देखिन्छ । अब कुनै मापक (Scale) को सहायताले उक्त तहको मोटाइ नापेर उक्त बालुवामा कति भाग वा कति प्रतिशत अनावश्यक पदार्थहरु (Silt, Clay) रहेछन् भन्ने पत्ता लगाउन सकिन्छ ।
बालुवामा अनावश्यक जैविक पदार्थहरु (Organic impurities) को पनि यसैगरी जाँच गर्न सकिन्छ । जसका लागि केही कास्टिक सोडाको भने जरुरत पर्छ । कास्टिक सोडा र पानीको मिश्रणमा बालुवा राखेर चलाउँदा त्यो पानीको रंग खैरो हुन गएमा त्यसमा जैविक अनावश्यक पदार्थहरु छ भनेर बुझ्न सकिन्छ । यस्तो बालुवा घर निर्माण कार्यमा प्रयोग गर्नु राम्रो हुँदैन । प्रयोग गर्ने ठाउँ अनुसार पनि बालुवाको छनोट गर्नुपर्छ । सामान्यतया, ढलान र ईंट्टाको वाल (Brick Wall) लगाउने काममा खस्रो बालुवा प्रयोग गर्नु उपयुक्त हुन्छ भने प्लास्टर लगायतको काममा मसिनो बालुवा प्रयोग गर्नु उपयुक्त हुन्छ ।
आज हामीले how to check sand quality yourself को बारेमा जानकारी दियौं । यस बिषयमा अन्य जानकारीहरु आवश्यक परेमा अनुभवी Engineer, Company तथा निर्माण साथी सँग पनि सम्पर्क गरि लाभ लिन सक्नुहुन्छ ।